रेवदंडा ठप्प ५ तास जिओ सेवा बंद संपर्क व्यवस्था कोलमडली

छावा डिजिटल मीडिया न्यूज पोर्टल रेवदंडा २५ एप्रिल २०२६ 

           सचिन मयेकर         

 आज रेवदंडा परिसरात Reliance Jio ची मोबाईल सेवा तब्बल ५ तासांहून अधिक काळ पूर्णपणे बंद राहिल्याने नागरिकांना मोठा त्रास सहन करावा लागला. अचानक नेटवर्क गायब झाल्याने फोन कॉल व इंटरनेट सेवा पूर्णपणे ठप्प झाली. अनेकांना महत्वाचे कॉल करता आले नाहीत, तर काहींची बँक व इतर कामे अडली.

 नागरिकांची प्रतिक्रिया

“कुठलीही पूर्वसूचना न देता सेवा बंद राहणे ही गंभीर बाब आहे. एवढा वेळ नेटवर्क नसल्याने संपर्क पूर्णपणे तुटला,” अशी प्रतिक्रिया स्थानिक नागरिकांनी व्यक्त केली. काही नागरिकांनी कंपनीकडे तक्रार करण्याची तयारी दर्शवली असून, योग्य स्पष्टीकरण मिळावे अशी मागणी होत आहे.

 कारण अद्याप अस्पष्ट

सेवा का बंद पडली याबाबत अद्याप कंपनीकडून कोणतीही अधिकृत माहिती समोर आलेली नाही. तांत्रिक बिघाडाचा अंदाज व्यक्त केला जात आहे.

 छावा विशेष

रेवदंड्यातील या घटनेने पुन्हा एकदा दाखवून दिले की,

👉 नेटवर्क सेवा ही आता दैनंदिन जीवनाची अत्यावश्यक गरज बनली आहे.

आता सर्वांचे लक्ष Jio कंपनीच्या अधिकृत स्पष्टीकरणाकडे लागले आहे…

फायबर बिघाडाचे कारण समोर

दरम्यान, स्थानिक पातळीवर मिळालेल्या माहितीनुसार फायबर लाईनमध्ये बिघाड (कापल्या जाण्याची शक्यता) झाल्यामुळे ही सेवा खंडित झाल्याचे समजते. त्यामुळे संपूर्ण नेटवर्क सेवा प्रभावित झाली होती.