🟥 मॅडम, माझ्या मुलीला मारू नका… तिची आई नाही वर्गातील क्षणाने गोठलेले सारे.. इंटरनेटवर अश्रू अनावर…

• छावा डिजिटल मीडिया न्यूज पोर्टल
• ✍️ सचिन मयेकर 
• 📅 शुक्रवार , २६ डिसेंबर २५

मॅडम माझ्या मुलीला मारू नका तिची आई नाही हा व्हिडिओ सध्या सोशल मीडियावर वाऱ्यासारखा फिरत आहे वर्गात शांतता होती शिक्षक अध्यापनात मग्न होते तेवढ्यात दरवाजा अलगद उघडतो एक वडील हातात लहानशी मुलगी घेऊन हळूहळू वर्गात पुढे येतात मुलीच्या चेहऱ्यावर थोडी भीती तर वडिलांच्या आवाजात थरथर दडपलेली वेदना आणि काळजी त्यांनी थेट शिक्षिकेकडे पाहत शब्दांना थोपवत सांगितले मॅडम माझ्या मुलीला मारू नका तिची आई नाही तिच्यावर रागावू नका मी तिला खूप प्रेमाने वाढवले आहे हे वाक्य ऐकतानाच वर्गात एक क्षण शून्य शांतता पसरली शिक्षक नि:शब्द विद्यार्थ्यांचेही डोळे त्या दृश्यावर खिळले धक्का बसल्यासारखे सगळेच गप्प झाले वडील पुढे म्हणाले मी आई आणि बाप दोन्ही आहे ती रात्री माझ्या छातीवर डोकं ठेवून झोपते सकाळी माझ्याच हाताने तयार होऊन शाळेत येते रडली तर तिला शांत कोण करणार तिचे मन दुखावले तर ते सांभाळणारा मी एकटाच आहे

हा संपूर्ण संवाद फक्त काही सेकंदांचा पण त्या सेकंदात बापाच्या मनातली वेदना माया आणि जबाबदारीचा डोंगर दिसून आला व्हिडिओ पाहणाऱ्यांनी हजारो कमेंट्स केल्या नेटिझन्सनी म्हटलं आई नसली तरी बाप आईपेक्षा कमी नसतो एक बाप मुलीसाठी सर्व काही बनून जगतो ही घटना एका सरकारी शाळेतील असल्याचे दिसते मात्र शाळेचे नाव स्थान आणि अधिकृत तपशील अद्याप स्पष्ट झालेला नाही पण या व्हिडिओने शाळांतील माराच्या शिक्षेवर मोठा प्रश्न उपस्थित केला शिकवण म्हणजे प्रेमाने समजावणे असे अनेकांनी मत व्यक्त केले या व्हिडिओने लोकांच्या हृदयाला स्पर्श केला वडिलांचा आवाज ऐकताना हजारो लोकांच्या डोळ्यात पाणी आले कारण हे दृश्य फक्त एका मुलीचे नव्हे तर आई गमावलेल्या सर्व मुलांचे आणि जगाला एकट्याने सांभाळणाऱ्या सर्व बापांचे प्रतिनिधित्व करतं

कधी कधी बातमी लेखात शब्दांची गरज नसते भावना स्वतः बोलतात हा व्हिडिओ त्याच भावनेचा पुरावा आहे पोटच्या गोळ्याला दुखावणे कोणालाही सहन होत नाही तेव्हा त्या वडिलांनी संपूर्ण जगाला सांगितले की मुलांना शिक्षा नाही माया हवी राग नाही आधार हवा कारण वडिलांच्या डोळ्यातून पडलेले अश्रूच त्या मुलीच्या जगण्याची ढाल आहेत