रेवदंडा पोलिसांची ‘सिंघम’ कारवाई मटका-जुगारावर धडाका, अवैध दारू धंद्यांवर ३० कारवाया लाखोंचा मुद्देमाल जप्त! सहाय्यक पोलीस निरीक्षक सुजित गडदे व त्यांच्या तपास पथकाचा धडाका; कोणत्या गावात किती रुपयांची कारवाई? वाचा संपूर्ण लेखाजोखा

छावा डिजिटल न्यूज मीडिया ता.०१ नोव्हेंबर २६ सचिन मयेकर

रेवदंडा पोलीस ठाण्याच्या हद्दीत अवैध मटका-जुगार आणि गावठी दारूच्या धंद्यांविरोधात पोलिसांनी जोरदार कारवाईचे सत्र सुरू केले आहे. सहाय्यक पोलीस निरीक्षक सुजित गडदे यांनी प्रभारी अधिकारी पदाची सूत्रे स्वीकारल्यानंतर अवैध धंद्यांवर लक्ष केंद्रित केले असून, त्यांच्या नेतृत्वाखाली तपास पथकाने धडक कारवाया केल्या आहेत.

या कारवाईत मटका-जुगाराच्या सात प्रकरणांमध्ये, तर अवैध दारूविरोधात तब्बल ३० प्रकरणांमध्ये कारवाई करण्यात आली आहे. अनेक ठिकाणी रोख रक्कम, मोबाईल, वाहने, गावठी दारू आणि दारू निर्मितीचे साहित्य जप्त करण्यात आले आहे.

तरुण पिढीच्या भवितव्यासाठी ‘सिंघम’ कारवाईचे स्वागत

मटका-जुगार आणि चोरट्या मार्गाने होणारी अवैध दारूविक्री यामुळे आजची तरुण पिढी व्यसनांच्या विळख्यात अडकण्याचा धोका वाढत आहे. मेहनतीचा पैसा जुगारात आणि व्यसनांमध्ये खर्च होऊन अनेक कुटुंबांचे संसार उद्ध्वस्त होण्याची वेळ येत आहे. तरुण पिढीला बरबादीच्या मार्गापासून वाचवण्यासाठी अशा अवैध धंद्यांवर कठोर कारवाई होणे गरजेचे आहे. रेवदंडा पोलिसांनी सुरू केलेल्या या ‘सिंघम’ कारवाईचे परिसरातील सुजाण नागरिकांकडून स्वागत होत असून, ही मोहीम अशीच सातत्याने सुरू राहावी, अशी अपेक्षा व्यक्त केली जात आहे.

सहाय्यक पोलीस निरीक्षक सुजित गडदे यांचा संदेश 

अवैद्य मटका-जुगार, बेकायदेशीर दारूविक्री आणि इतर अवैध धंद्यांना आळा घालणे हे आमचे प्राधान्य आहे. तरुण पिढी व्यसनांच्या आहारी जाऊ नये आणि सर्वसामान्य नागरिकांना सुरक्षित वातावरण मिळावे, यासाठी पोलीस प्रशासन कटिबद्ध आहे. नागरिकांनीही आपल्या परिसरात अशा अवैध धंद्यांची माहिती पोलिसांना द्यावी. माहिती देणाऱ्यांची गोपनीयता राखण्याचा प्रयत्न केला जाईल. कायद्याचे उल्लंघन करणाऱ्यांविरोधात नियमानुसार कारवाई सुरूच राहील.

मटका-जुगाराविरोधातील सात कारवाया

१.  मटका साहित्य ६४५ रुपये.

२. स्थान : रामराज, अलिबाग  मोबाईलसह मटका साहित्य २६,५३० रुपये.

३. स्थान : खानाव, अलिबाग  मोबाईलसह मटका साहित्य १२,६४० रुपये.

४. स्थान : चौल, अलिबाग  मोबाईलसह मटका साहित्य २९,७०० रुपये.

५. स्थान : थेरोंडा, अलिबाग  मोबाईलसह मटका साहित्य २६,१२० रुपये.

६. स्थान : उपलब्ध तपशिलात नमूद नाही  पत्ता जुगार, ३,१०० रुपये.

७. स्थान : ताजपूर, अलिबाग  मोबाईलसह मटका साहित्य ७,००० रुपये.

अवैध दारूविरोधात ३० धडक कारवाया

१. मिठे खार, मुरुड  गावठी दारू १२,९८० रुपये.

२. भोवाळे, अलिबाग — गावठी दारू ४,००० रुपये.

३. पाटवाडी, अलिबाग — गावठी दारू १,००० रुपये.

४. कोर्लई, मुरुड — गावठी दारू २,१०० रुपये.

५. भालगाव, रोहा — कारसह ८,३४,००० रुपयांचा मुद्देमाल.

६. पाटवाडी, अलिबाग — गावठी दारू १,००० रुपये.

७. थेरोंडा, अलिबाग — गावठी दारू २,००० रुपये.

८. वाडीपाडा, बोरली, मुरुड — गावठी दारू ८०० रुपये.

९. करोंडा, अलिबाग — गावठी दारू ८०० रुपये.

१०. भटवाडी, अलिबाग — गावठी दारू ९०० रुपये.

११. मांडला, मुरुड — गावठी दारू ९०० रुपये.

१२. अलिबाग — विदेशी दारू १२,५४० रुपये.

१३. संजयनगर, साळाव, मुरुड — गावठी दारू १,००० रुपये.

१४. खानाव, अलिबाग — गावठी दारू १,००० रुपये.

१५. खानाव, अलिबाग — विदेशी दारू ३,२०० रुपये.

१६. कोकण, रोहा — स्कूटीसह गावठी दारू २१,००० रुपये.

१७. बोरली, मुरुड — गावठी दारू १,००० रुपये.

१८. पाटवाडी, अलिबाग — गावठी दारूची ट्यूब ६,००० रुपये.

१९. संजयनगर, साळाव, मुरुड — गावठी दारूची ट्यूब ५,२०० रुपये.

२०. रामराज, अलिबाग — स्कूटीसह गावठी दारू ४०,३०० रुपये.

२१. चौल, अलिबाग — चार ड्रममधील गावठी दारू ८,००० रुपये.

२२. बोरली, मुरुड — गावठी दारू २,००० रुपये.

२३. ताडवाडी, मुरुड — गावठी दारू १,५०० रुपये.

२४. निर्मडे ठाकूरवाडी, अलिबाग — गावठी दारू १,००० रुपये.

२५. मोरंडे, अलिबाग — गावठी दारू निर्मितीसाठी कच्चा माल व टाकी १८,७०० रुपये.

२६. चोरडे, मुरुड — गावठी दारू १,००० रुपये.

२७. थेरोंडा, अलिबाग — गावठी दारू १,००० रुपये.

२८. कुडे, अलिबाग — गावठी दारू तयार करण्यासाठी लागणारा जांभळाचा कच्चा माल व टाकी ३७,७०० रुपये.

२९. महाजन, अलिबाग — गावठी दारू १,००० रुपये.

३०. सूडकोली, अलिबाग — कारसह ३,४२,२०० रुपयांचा मुद्देमाल आणि गावठी दारूने भरलेल्या ११ रबरी ट्यूब.

शिवरायांच्या स्वराज्यातील शिस्त आठवण्याची वेळ

छत्रपती शिवाजी महाराजांच्या स्वराज्याचा विचार केला तर शिस्त, जबाबदारी आणि प्रजेचे हित यांना विशेष महत्त्व होते. आजही समाजात व्यसनाधीनतेमुळे अनेक कुटुंबांचे आर्थिक आणि सामाजिक नुकसान होत आहे. मटका-जुगार आणि अवैध दारूच्या धंद्यांना आळा घालणे ही केवळ पोलिसांचीच नव्हे, तर समाजाचीही सामूहिक जबाबदारी आहे.

रेवदंडा पोलिसांनी केलेल्या या कारवाया निश्चितच लक्षवेधी आहेत. मात्र, अवैध धंदे पुन्हा डोके वर काढणार नाहीत यासाठी सातत्यपूर्ण कारवाई, गस्त आणि संबंधित धंद्यांच्या मुळापर्यंत पोहोचणे आवश्यक आहे.

आता प्रश्न एकच — अवैध धंद्यांचे समूळ उच्चाटन कधी?

सहाय्यक पोलीस निरीक्षक सुजित गडदे आणि त्यांच्या तपास पथकाने सुरू केलेल्या या धडक कारवाईमुळे अवैध धंदे चालविणाऱ्यांमध्ये खळबळ उडाली आहे. या मोहिमेचे सातत्य टिकून राहणार का, याकडे आता नागरिकांचे लक्ष लागले आहे.

 छावा रविवार विशेष — संपूर्ण कारवाईचा लेखाजोखा जनतेसमोर.

छावा डिजिटल न्यूज मीडिया