🛑 रेवदंडा पोलिसांची धडाकेबाज कारवाई दिल्लीला पळण्याआधीच रूम पार्टनर चोरटा जेरबंद…

विश्वासघाताचं नाटक आणि पोलिसांची विजयी पटकथा.

स्वतःच्या रूम पार्टनरचा विश्वासघात करून कॅमेरा आणि मोबाईल चोरत दिल्लीकडे पळून जाण्याच्या तयारीत असलेला चोरटा रेवदंडा पोलिसांच्या शिताफीने गजाआड झाला.

छावा डिजिटल न्यूज पोर्टल — सचिन मयेकर —रेवदंडा  रविवार – ९ नोव्हेंबर २०२५

भरत विनायककुमार वीज (रा. दिल्ली) या आरोपीला पोलिसांनी मिनिडोर रिक्षामधूनच पकडत चपळ कारवाईचे दर्शन घडवले.

दिनांक ५ नोव्हेंबर २०२५ रोजी येसदे (ता. मुरुड) येथील महावीर वाटिका रूम नं. १०१ मध्ये राहत असलेले फिर्यादी हरीशसिंह हे सकाळी कामावर गेल्यानंतर, त्यांचा रूम पार्टनर भरत वीज याने संधी साधून कॅनन कंपनीचा कॅमेरा आणि ओप्पो कंपनीचा मोबाईल असा ₹१,३२,०००/- किंमतीचा मुद्देमाल चोरून नेला.

भरत आणि हरीशसिंह हे दोघेही सिद्धांत हॉटेल येथे नोकरी करीत होते. काही दिवसांपूर्वी भरतने नोकरी सोडून दुसऱ्या दिवशी दिल्लीला जाण्याची तयारी केली होती. त्याने आधीपासूनच चोरीचा डाव आखला असल्याची शक्यता पोलिसांनी व्यक्त केली आहे.

फिर्यादी परत आल्यानंतर रूममधील बॅग तपासल्यावर मौल्यवान वस्तू गायब असल्याचे दिसताच त्यांनी तत्काळ रेवदंडा पोलिस ठाण्यात धाव घेतली.

स. पो. नि. श्रीकांत किरवले यांच्या मार्गदर्शनाखाली पो. ह. मनीष ठाकूर तसेच सहायक फौजदार सुर्वे, पोसई म्हशीलकर, पो. ह. राठोड यांच्या विशेष पथकाने आरोपीचा शोध सुरू केला.

दरम्यान गुप्त माहितीच्या आधारे पोलिसांना समजले की आरोपी भरत वीज हा मिनिडोर रिक्षामधून अलिबागकडे रवाना झाला आहे. त्यानंतर पोलिसांनी शिताफी व धाडसाने सापळा रचत त्याला मिनिडोर रिक्षामधूनच जेरबंद केले व चोरीचा सर्व मुद्देमाल हस्तगत केला.

या घटनेबाबत फिर्यादी हरीशसिंह यांच्या तक्रारीवरून रेवदंडा पोलीस ठाण्यात गुन्हा क्र. १६२/२०२५, कलम BNS ३०५(A) प्रमाणे गुन्हा दाखल करण्यात आला असून, तपास सहायक फौजदार सुर्वे यांच्या मार्गदर्शनाखाली सुरु आहे.

संपूर्ण कारवाई मा. उपविभागीय पोलीस अधिकारी श्रीमती माया मोरे व स. पो. नि. श्रीकांत किरवले यांच्या नेतृत्वाखाली पार पडली.

स्थानिकांचा पोलिसांवर कौतुकाचा वर्षाव

रेवदंडा पोलिसांनी दाखवलेली तत्परता, अचूक माहिती संकलन आणि शिताफी पाहून नागरिकांनी पोलिस दलाचे कौतुक केले आहे.

“रेवदंडा पोलिसांची कारवाई म्हणजे गुन्हेगारांसाठी इशारा  गुन्हा केला, तर सुटका नाही. असे नागरिकांनी प्रतिक्रीया दिल्या.

🛑 रेवदंडा पोलिसांचा विजयी सापळा, विश्वासघाताचा शेवट.

दिल्लीचं स्वप्न पाहणारा चोरटा, रेवदंड्याच्या गजामध्ये बंद.