💥 तुझे फोटो व्हायरल करेन.. अलिबाग हादरलं वर्षभर चाललेलं अमानुष अत्याचारकांड अखेर उघडकीस

अलिबाग हादरलं — १६ वर्षीय मुलीचा विनयभंग; धैर्य दाखवत पीडितेची तक्रार, पोलिसांची तत्पर कारवाई…

रायगड जिल्ह्याचे मुख्यालय असलेल्या अलिबाग शहरात अल्पवयीन मुलीचा विनयभंग झाल्याची धक्कादायक घटना समोर आली आहे.

छावा डिजिटल न्यूज पोर्टल –अलिबाग — सचिन मयेकर गुरुवार – ३0 ऑक्टोबर २०२५

एका तरुणाने पीडित मुलीचे तिच्या मित्रांसोबतचे वैयक्तिक फोटो सोशल मीडियावर प्रसारित करण्याची धमकी देत, दीड वर्षांहून अधिक काळ तिचा गैरफायदा घेतल्याचे उघड झाले आहे.

हा प्रकार मे २०२४ ते १९ ऑक्टोबर २०२५ या कालावधीत सुरू होता.

धमकीच्या आधारे आरोपीने वारंवार अल्पवयीन मुलीला आपल्या घरी बोलावून अश्लील कृत्ये केली.

भीती आणि मानसिक छळामुळे मुलगी बराच काळ मौन बाळगून होती, मात्र अखेर तिने २६ ऑक्टोबर २०२५ रोजी अलिबाग पोलिस ठाण्यात तक्रार दाखल केली.

या प्रकरणी POCSO कायद्यांतर्गत गुन्हा क्रमांक १९४/२०२५ नोंदवण्यात आला असून, आरोपीला अटक करण्यासाठी आणि पुरावे गोळा करण्यासाठी विशेष पथकाची नियुक्ती करण्यात आली आहे.

सध्या या घटनेचा तपास सुरु झाला आहे.

गुन्हा समोर आल्यानंतर अलिबाग पोलिसांनी तातडीने हालचाल करत तपास सुरू केला आहे.

अल्पवयीन मुलींच्या सुरक्षेला कोणतीही तडजोड मान्य नाही, असा ठाम संदेश पोलिसांनी दिला आहे.

या कारवाईमुळे नागरिकांमध्ये पोलिसांबद्दल विश्वास वाढताना दिसत आहे.

या घटनेमुळे अलिबाग आणि संपूर्ण रायगड जिल्ह्यात संतापाची लाट उसळली आहे.

त्याचबरोबर समाजातूनही ‘बळी नको, बचाव हवा!’ असा ठाम संदेश दिला जात आहे.

महिला आणि मुलींवरील अत्याचार थांबवण्यासाठी समाजाने एकजूट दाखवण्याची गरज नागरिकांनी व्यक्त केली आहे.

 नोट : या प्रकरणातील आरोपीचे नाव पोलीसांकडून अद्याप अधिकृतरीत्या जाहीर करण्यात आलेले नाही.पो लिस तपास सुरू असून, नाव आणि तपशील अधिकृतरीत्या उपलब्ध होताच वाचकांना “छावा”मार्फत माहिती देण्यात येईल.घटनेचा तपास पूर्ण होईपर्यंत माध्यमांनी आणि नागरिकांनी अफवा किंवा अंदाज पसरवू नयेत, अशी विनंती करण्यात येत आहे.