💥 धमाका बातमी — रायगड पोलिस दलात खळबळ!

५ लाखांची लाच घेताना हवालदार विशाल वाघाटे रंगेहात अटक – सुरुवातीला ३ लाख स्वीकारले, ACBची धडक कारवाई!

छावा डिजिटल न्यूज पोर्टल महाड प्रतिनिधी शुक्रवार – १० ऑक्टोबर २०२५

रायगड जिल्हा पोलिस दलात एक धक्कादायक भ्रष्टाचार प्रकरण उघडकीस आले आहे.

रायगड येथील हवालदार विशाल वाघाटे याला लाचलुचपत प्रतिबंधक विभागाने (ACB) रंगेहात पकडले आहे.

मिळालेल्या माहितीनुसार, हवालदार वाघाटे याने एका नागरिकाकडून प्रकरण मिटवण्यासाठी एकूण ५ लाख रुपयांची लाच मागितली होती.

यापैकी पहिल्या टप्प्यातील ३ लाख रुपये स्वीकारताना महाड येथे रात्री १२:१५ वाजता  ACB च्या पथकाने त्याला सापळा रचून पकडले.

पोलिस हवालदाराच्या या कृत्यामुळे संपूर्ण रायगड जिल्हा पोलिस दलात प्रचंड खळबळ उडाली आहे.

ACB च्या अधिकाऱ्यांनी तातडीने कारवाई करून आरोपीला अटक केली असून,

त्याच्यावर भ्रष्टाचार प्रतिबंधक कायद्यानुसार गुन्हा दाखल करण्यात आला आहे.

सदर प्रकरणात अजूनही चौकशी सुरू असून,

“या मागे आणखी कुणाचा हात आहे का?” या दृष्टीनेही तपास सुरू आहे.

या प्रकरणी महाड शहर पोलीस ठाण्यात भ्रष्टाचार प्रतिबंधक अधिनियम १९८८ सुधारित २०१८ अंतर्गत कलम ७ नुसार गुन्हा नोंदविण्यात येत आहे. ही कारवाई रायगड स्थानिक लाच लुचपत प्रतिबंधक विभागाच्या उपअधीक्षक सरिता भोसले यांच्या नेतृत्वाखाली पार पडली. पथकात पोलिसनीरीक्षक निशांत धनवडे, नारायण सरोदे, सहाय्यक फौजदार विनोद जाधव, अरुण करकरे, श्रीमती सुषमा राऊत, पोलीस हवालदार महेश पाटील, परम ठाकुर, सुमित पाटील, सचिन आटपाडकर, महिला पोलीस शिपाई मोनाली पाटील, आणि यानंतर घरात यांचा सहभाग होता या संपूर्ण कारवाईस अँटी करप्शन ब्युरो ठाणे परिक्षेत्राचे पोलीस अधीक्षक शिवराज पाटील तसेच अप्पर पोली अधीक्षक भागवत , सोनवणे व सुहास शिंदे यांचे मार्गदर्शन लाभले.

POCSO प्रकरणाची पार्श्वभूमी :

मिळालेल्या माहितीनुसार, हवालदार विशाल वाघाटे यांच्यावर POCSO प्रकरणात लाच मागितल्याचा आरोप आहे. संबंधित प्रकरणात पुढील कारवाई टाळण्यासाठी त्यांनी एकूण ₹५ लाखांची मागणी केली होती. यापैकी पहिला हप्ता ₹३ लाख स्वीकारताना लाचलुचपत प्रतिबंधक विभागाच्या (ACB) अधिकाऱ्यांनी त्यांना रंगेहात पकडले. संवेदनशील POCSO प्रकरणाशी संबंधित लाच मागितल्याने रायगड पोलिस दलात मोठी खळबळ उडाली असून, आरोपी हवालदारावर भ्रष्टाचार प्रतिबंधक कायद्यांतर्गत गुन्हा नोंदवून पुढील तपास सुरू आहे.

ही घटना पुन्हा एकदा दाखवून देते की,

👉 कायदा राखण्यासाठी नियुक्त झालेल्या काही अधिकाऱ्यांच्याच हातात कायद्याचा गैरवापर होतो,

आणि त्याला रोखण्यासाठी ACB सारख्या संस्था सजग राहणे अत्यंत गरजेचे आहे