🔴 UPDATE | चौल खून प्रकरण आरोपींना कडक पोलीस बंदोबस्तात अलिबाग न्यायालयात रिमांडसाठी हजर

• छावा डिजिटल मीडिया न्यूज पोर्टल
• ✍️ सचिन मयेकर
• 📅 रविवार , १ फेब्रुवारी २६

चौल येथील वृद्ध महिलेच्या खून व जबरी चोरी प्रकरणात अटक करण्यात आलेल्या आरोपींना आज कडक पोलीस बंदोबस्तात अलिबाग येथील न्यायालयात रिमांडसाठी हजर करण्यात येत असल्याचे समजते. पुढील तपासासाठी पोलीस कोठडीची मागणी न्यायालयात करण्यात येणार असल्याची माहिती सूत्रांकडून मिळत आहे.
या प्रकरणातील चार आरोपींपैकी एक आरोपी अल्पवयीन असल्याची माहिती असून, त्याच्याबाबत स्वतंत्र कायदेशीर प्रक्रिया राबवण्यात येत आहे. अल्पवयीन आरोपीचा तपास बाल न्याय अधिनियम (Juvenile Justice Act) अंतर्गत करण्यात येणार असल्याचे सूत्रांनी स्पष्ट केले आहे.
दरम्यान, या प्रकरणातील इतर आरोपींची भूमिका, खुनामागील नेमके कारण तसेच चोरीस गेलेले सोन्याचे दागिने हस्तगत करण्यासाठी पोलिसांकडून पुढील तपास सुरू आहे.