🚨 महाडमध्ये पुन्हा धक्का विन्हेरेच्या ऐतिहासिक स्वयंभू शंकर मंदिराची दानपेटी फोडली रोकड लंपास 🚨

महाड तालुक्यातील विन्हेरे गावातील पुरातन स्वयंभू शंकर मंदिरात मध्यरात्री अज्ञात चोरट्यांनी धाड टाकत दानपेटी फोडली आणि त्यातील सुमारे दहा हजार रुपये रोकड लंपास करून चोरटे पसार झाले. शतकांच्या इतिहासाचा साक्षीदार असलेल्या या मंदिरात झालेल्या चोरीमुळे परिसरात संतापाची लाट उसळली आहे.

छावा डिजिटल मीडिया न्यूज पोर्टल
✍️ महाड प्रतिनिधी 
📅 रविवार , २८ डिसेंबर २५

दुसऱ्यांदा मंदिरावरच दणका

अजून चाऱ्याच महिन्यांपूर्वी याच मंदिराची दानपेटी फोडण्याची घटना घडली होती, आणि नेमके २६ डिसेंबरलाच पुन्हा तोच प्रकार! सलग दोन वेळा दानपेटी फोडल्याने मंदिराची सुरक्षा, गावातील सुरक्षितता, आणि चोरट्यांचे धाडस यावर गंभीर प्रश्नचिन्ह निर्माण झाले आहे.

आज सकाळी सुमारे ८ वाजता मंदिराचे पुजारी नारायण जंगम पूजा करण्यासाठी मंदिरात पोहोचले असता दानपेटी फोडलेली, नोटा व नाणी इकडे-तिकडे विखुरलेली, तुटलेल्या कुलपाचे तुकडे दिसताच त्यांना धक्काच बसला. लगेच हा प्रकार ग्रामस्थांच्या निदर्शनास आणत पोलिसांना कळविण्यात आला.

गावात टेन्शन – दान चोरीने ग्रामस्थ संतप्त

गावकऱ्यांमध्ये चांगलीच चर्चा रंगली आहे. प्राचीन मंदिरातील दानपेटी सलग दोन वेळा फोडणे म्हणजे माथ्यावरच धाड! चोरटे अजूनही फरार असल्याने गावात भीतीचे वातावरण असून मंदिर परिसरात रात्रीच्या सुरक्षेवर पुन्हा एकदा लक्ष देण्याची मागणी सुरू झाली आहे.

🔻 पोलीस तपास सुरु… पण चोर अजूनही गायब.

🔻 ग्रामस्थांकडून सीसीटीव्ही व सुरक्षा वाढवण्याची मागणी.

🔻 धार्मिक ठिकाणी अशी दुसरी धाड – प्रशासनाची कसोटी.