🔴 वळवली आदिवासी वाडीत २६ वर्षीय विवाहितेचा जंगलात गळफास घेऊन मृत्यू आकस्मिक मृत्यूची नोंद

छावा डिजिटल न्यूज पोर्टल – सचिन मयेकर — बुधवार —१७ डिसेंबर २०२५

अलिबाग तालुक्यातील वळवली रा. आदिवासी वाडी, पो. मल्याण, ता. अलिबाग, जि. रायगड येथील २६ वर्षीय विवाहित महिला अंकिता महेश नाईक हिचा मृतदेह जंगलातील एका झाडाला ओढणीच्या सहाय्याने गळफास घेतलेल्या अवस्थेत आढळून आला. या घटनेमुळे परिसरात शोककळा पसरली आहे.रेवदंडा पोलीस ठाणे कडून मिळालेल्या माहितीनुसार, दिनांक १५ डिसेंबर २०२५ रोजी दुपारी १२.२० वाजण्याच्या सुमारास मृत महिलेचे पती महेश दत्ताराम नाईक हे मित्रांसह जंगलात गेले होते. त्यावेळी घरी पत्नी अंकिता व तिची बहीण उपस्थित होत्या. सायंकाळी सुमारे ४.०० वाजता पती घरी परतले असता पत्नी घरात आढळून आली नाही.यानंतर पती व नातेवाईकांनी परिसरात तसेच नातेवाईकांकडे शोध घेतला. मात्र अंकिता मिळून आली नाही. अखेर १६ डिसेंबर २०२५ रोजी सकाळी ६.०० वाजण्याच्या सुमारास, पती, नातेवाईक व ग्रामस्थ जंगल व डोंगराळ भागात शोध घेत असताना अंकिता नाईक हिचा मृतदेह जंगलातील एका झाडाला ओढणीच्या सहाय्याने गळफास घेतलेल्या अवस्थेत आढळून आला.नातेवाईकांच्या मदतीने तिला तात्काळ खाली उतरवून प्राथमिक आरोग्य केंद्र, रेवदंडा येथे दाखल करण्यात आले. मात्र तेथील डॉक्टरांनी तपासणीनंतर तिला मृत घोषित केले.या प्रकरणी रेवदंडा पोलीस ठाण्यात भारतीय नागरिक सुरक्षा संहिता २०२३ अंतर्गत कलम १९४ प्रमाणे आकस्मिक मृत्यूची नोंद (अ.मृ. रजि. नं. ४४/२०२५) करण्यात आली असून, मृत्यूमागील कारणांचा पुढील तपास पोलीस करत आहेत.

👉 मरणाचे कारण : गळफास घेऊन मृत्यू.

अवघ्या २६ व्या वर्षी विवाहितेचा असा दुर्दैवी अंत झाल्याने कुटुंबीय व ग्रामस्थांमध्ये शोक व्यक्त केला जात आहे.