🚩 हलकट, भ्याड पाकिस्तानचा कट — सातारकरच्या खाकीनं नेस्तनाबूत केला होता…

जुबानी अरुण जाधवांची — २६/११ ची रक्तरंजित रात्र.

छावा डिजिटल न्यूज पोर्टल ––सचिन मयेकर— बुधवार  – २६ नोव्हेंबर २०२५

हलकट, भ्याड पाकिस्तानने रचलेला दहशतीचा नराधमी कट.

मुंबईच्या छाताडावर झालेला हा हल्ला आजही भारताच्या हृदयातील जखम आहे.पण या रक्तरंजित हल्ल्यात भारताच्या खाकीनं अशी गर्जना केली की पाकिस्तानचा संपूर्ण कट जिथे तयार झाला होता, तिथेच चिरडून टाकला. या रणात उठून दिसतं एक उत्तुंग नाव

सातारकरचा खाकीचा सिंह: अरुण जाधव

जुबानी अरुण जाधवांची — त्या रात्रीच्या रक्ताने लिहिलेली साक्ष त्या रात्रीबद्दल बोलायला आजही बसलो,तर मला झोप येत नाही…२६/११ ही रात्र आयुष्यभर विसरणार नाही.करकरे, कामटे, साळसकर साहेब—आम्ही सगळे एका गाडीत होतो. साळसकर साहेब स्टेअरिंगवर, करकरे साहेब, कामटे साहेब आणि आम्ही जवान. आम्ही कसाब आणि इस्माईलवर फायरिंग केलं. तेव्हा कसाब जखमी झाला होता.

त्या हलकट अतिरेक्यांच्या बेछूट गोळीबारात आमचे ६ पोलीस शहीद झाले भ्याड अतिरेक्यांनी असा बेभान गोळीबार केला की आमचे सहा पोलीस जागीच शहीद झाले. मला पाच गोळ्या लागल्या हातात तीन, खांद्यावर दोन. योगेश पाटील आणि भोसले माझ्या अंगावर पडले… मी त्यांच्या खाली दाबलो गेलो मे बराच वेळ श्वास रोखून पडून राहिलो…अतिरेक्यांनी करकरे, कामटे आणि साळसकर साहेबांना बाहेर खेचलं. गाडीचा ताबा त्यांनी घेतला. स्टेअरिंगवर इस्माईल बसला, डावीकडे कसाब बसला. फोन वाजला… आणि त्या भ्याड कसाबने मागून ब्रश फायर केला माझ्या अंगावर पडलेला योगेश पाटील त्याच्या वडिलांचा फोन आला…मोबाईल वाजताच त्या भ्याड कसाबने मागे वळून ब्रश फायर केला होता. योगेशचे जे थोडे श्वास उरले होते तेही गेले. मी २० मिनिटं त्या दोन हलकट दहशतवाद्यांसोबत गाडीत होतो.गाडी मंत्रालय, विधानभवनपासून पुढे गेली.प्रत्येक सेकंदाला मृत्यू समोर दिसत होता.माझ्या हातात ताकद नव्हती. वेपन उचलता येत नव्हतं. गोळी कधी लागेल हेच वाटत होतं. विधानभवनजवळ गाडीचा टायर फुटला. कसाब आणि इस्माईल खाली उतरले. एक स्कोडा कार येत होती. त्यात एक पुरुष आणि एक महिला होती. त्यांना खाली उतरवून स्कोडा घेऊन ते पळाले. त्या क्षणी मी वायरलेस उचलला… आणि इतिहास बदलला. गाडी रिकामी होताच मी वायरलेस हातात घेतला आणि कंट्रोल रूमशी संपर्क केला. मी स्पष्ट सांगितलं कसाब कोणती गाडी घेऊन पळाला कोणत्या दिशेने जातोय कोणते अधिकारी शहीद झाले परिस्थिती किती भयानक आहे आणि सर्वात महत्त्वाचं  कसाब गिरगावकडे जातोय. मुंबई पोलिसांनी फंदा लावला… आणि तो हलकट कसाब जिवंत पकडला गेला. यानंतर मुंबई पोलिसांनी गिरगावजवळ कसाबची वाट अडवली. इस्माईल ठार झाला.आणि तुकाराम ओंबळे साहेबांनी त्या हलकट कसाबला जिवंत पकडलं.

जाधव शेवटी म्हणाले त्या रात्री मी जिवंत राहिलो…हे आजही मला समजत नाही.

🚩 सातारकरचा खाकीचा सिंह — ज्याने हलकट, भ्याड पाकिस्तानचा कट नेस्तनाबूत केला ही साक्ष म्हणजे खाकीच्या रक्ताने लिहिलेला इतिहास आहे. सातारकराचा अभिमान आहे. देशाचा अभिमान आहे.