- साळाव ते तळेखार रस्ता – खड्ड्यांचा कहर, चिखलाचा थर – प्रवास म्हणजे जीव धोक्यात!
- रायगडमध्ये समुद्रात मोठी दुर्घटना – खांदेरी किल्ल्याजवळ मासेमारी बोट बुडाली, ५ जणांचा जीव वाचला, ३ जण बेपत्ता – शोध मोहीम युद्धपातळीवर सुरू
- मोबाईल चोरीच्या वादातून कोयत्याने हल्ला – महिला जखमी; रेवदंडा पोलिसात गुन्हा दाखल
- “सैयारा” : एक स्त्री, एक वेदना, एक अस्सल वास्तव!
• इंदू मिल स्मारक प्रकल्प गतीमान
• तांत्रिक गुणवत्तेची बारकाईने तपासणी
• छावा • नवी दिल्ली, दि. १३ जून • वृत्तसंस्था
मुंबईतील इंदू मिल येथे उभारल्या जाणाऱ्या डॉ. बाबासाहेब आंबेडकर यांच्या आंतरराष्ट्रीय दर्जाच्या स्मारकात साकार होणारा ३५० फूट उंच पुतळा हा सामाजिक न्यायाच्या विचारांना नवी दिशा देणारा ठरेल, असे प्रतिपादन महाराष्ट्र विधानसभेचे उपाध्यक्ष अण्णा बनसोडे यांनी केले.
गाझियाबाद येथे पद्मभूषण मूर्तिकार राम सुतार यांच्या मार्गदर्शनाखाली सुरू असलेल्या पुतळ्याच्या कामाची आज श्री. बनसोडे यांनी पाहणी केली. या वेळी त्यांनी पुतळ्याच्या निर्मिती प्रक्रियेतील विविध तांत्रिक बाबींची माहिती घेतली व प्रकल्पाच्या गतीसाठी महत्त्वपूर्ण सूचना दिल्या. हा भव्य पुतळा केवळ जागतिक कीर्ती प्राप्त करणारा नसून, तो देशातील नागरिकांसाठी प्रेरणास्त्रोत ठरेल, असा विश्वासही त्यांनी व्यक्त केला.
सध्या पुतळ्याच्या पायाच्या भागाचे (बूट) काम सुरू असून, हा भाग ६५ फूट लांब व ३५ फूट रुंद आहे. त्यासाठी सुमारे २० टन धातूचा वापर केला जाणार आहे. १०० फूट उंच पादपीठासह एकूण ३५० फूट उंच असलेला हा पुतळा डिसेंबर २०२६ पर्यंत पूर्ण होण्याचा अंदाज आहे.
पुतळ्याच्या निर्मितीत राम सुतार यांचे सुपुत्र अनिल सुतार हे प्रत्यक्ष देखरेख करत असून, त्यांना येणाऱ्या अडचणींचा श्री. बनसोडे यांनी आढावा घेतला व तातडीने उपाययोजना करण्याचे आश्वासन दिले. मुंबईत पुढील आठवड्यात या प्रकल्पाशी संबंधित सर्व विभागांची संयुक्त बैठक आयोजित केली जाणार आहे, असेही त्यांनी यावेळी सांगितले.
आज पार पडलेल्या पाहणी दरम्यान झालेल्या बैठकीला राम सुतार, अनिल सुतार, विधानसभा सचिव डॉ. विलास आठवले, एमएमआरडीएचे मुख्य अभियंता प्रकाश भांगरे, उमेश साळवी, शापुरजी पालंजीचे उमेश साळुंखे, शशी प्रभू अँड असोसिएट्सचे अतुल कैटीकवार, भदंत राहुल बोधी, महापरिनिर्वाण दिन समन्वय समितीचे नागसेन कांबळे, आणि सुबोध भारत उपस्थित होते.
यापूर्वी, श्री. बनसोडे यांनी महाराष्ट्र सदन येथे डॉ. बाबासाहेब आंबेडकर यांच्या पुतळ्याला पुष्पहार अर्पण करून आपल्या दिल्ली दौऱ्याची सुरुवात केली. त्यानंतर त्यांनी अलीपूर रोडवरील डॉ. आंबेडकर नॅशनल मेमोरियल ला भेट दिली. या संग्रहालयात डॉ. आंबेडकर यांच्या आयुष्यावर आधारित माहिती अत्यंत प्रभावी पद्धतीने मांडण्यात आली असल्याचे त्यांनी कौतुक केले.
डॉ. बाबासाहेब आंबेडकर आंतरराष्ट्रीय केंद्राचे संचालक आकाश पाटील यांनी श्री. बनसोडे यांचे स्वागत केले. त्यानंतर त्यांनी जनपथ येथील आंतरराष्ट्रीय केंद्रालाही सदिच्छा भेट दिली. यावेळी महाराष्ट्र परिचय केंद्रामार्फत तयार करण्यात आलेली खासदार परिचय पुस्तिका श्री. बनसोडे यांना सुपूर्द करण्यात आली.
