अरुण गवळी अंडरवर्ल्डमधला डॅडी आमदारकी आणि जमसंदेकर हत्याकांड

सुप्रीम कोर्टाने अठ्ठावीस ऑगस्ट दोन हजार पंचविस रोजी अरुण गवळीला जामीन मंजूर केला आहे तब्बल अठरा वर्षे नागपूर मध्यवर्ती कारागृहात शिक्षा भोगल्यानंतर ते आता तुरुंगाबाहेर आले आहेत काही कडक अटींसह दिलेला हा जामीन गवळीसाठी मोठा दिलासा ठरला आहे याआधी दोन हजार पाचच्या बिल्डर वसुली प्रकरणात त्यांना निर्दोष मुक्तता मिळाली आहे

सचिन मयेकर, ‘छावा’ डिजिटल न्यूज पोर्टल. १२ सप्टेंबर २०२५

सत्तर आणि ऐंशीच्या दशकात दगडी चाळीतल्या बेरोजगार तरुणांमध्ये गवळी वाढले त्यांनी आधी छोट्या मोठ्या वसुलीपासून सुरुवात केली पण लवकरच स्वतःचा टोळीवाला दबदबा निर्माण केला दगडी चाळ त्यांचे मुख्यालय बनले त्या काळी मुंबईत दाऊद इब्राहिम शब्बीर शेख पठाण गँग यांचा धुमाकूळ होता गवळी यांनी या सर्वांशी दोन हात केले आणि हळूहळू ते दाऊदविरोधी चेहरा म्हणून उभे राहिले

लोक गवळींना डॅडी का म्हणू लागले याबद्दल दोन गाजलेल्या कथा आहेत पहिली म्हणजे दगडी चाळ परिसरातील लोकांच्या आजारपण लग्न शाळेच्या फी अशा अनेक समस्या ते सोडवत असत त्यामुळे लोक त्यांना आपला डॅडी मानू लागले दुसरी म्हणजे एकदा ते तुरुंगात असताना त्यांची लहान मुलगी भेटायला आली तिने प्रेमाने डॅडी म्हणत हाक मारली त्या क्षणापासून कैदी पोलिस आणि नंतर त्यांचे साथीदारही त्यांना डॅडी म्हणू लागले या दोन कारणांनी डॅडी हे टोपणनाव घट्ट बसले आणि पुढे त्यांची खरी ओळख ठरले

एकोणीसशे सत्त्याण्णव मध्ये गवळी यांनी अखिल भारतीय सेना स्थापन केली दोन हजार चार मध्ये ते चिंचपोकळी मतदारसंघातून आमदार म्हणून निवडून आले गुन्हेगारी भूतकाळ असूनही मतदारांनी त्यांना निवडून दिले हे त्यांच्या लोकप्रियता आणि भीती या मिश्रणाचे उदाहरण मानले जाते

दोन मार्च दोन हजार सात रोजी शिवसेना नगरसेवक कमलाकर जमसंदेकर यांची अंधेरीतील निवासस्थानी मोटरसायकलवरून आलेल्या शस्त्रधाऱ्यांनी गोळ्या झाडून हत्या केली तपासात उघड झाले की गवळी यांच्या आदेशावरूनच ही सुपारी दिली गेली होती

दोन हजार बारा मध्ये मुंबई सत्र न्यायालयाने गवळी व सहकाऱ्यांना जन्मठेपेची शिक्षा सुनावली दोन हजार एकोणीस मध्ये मुंबई उच्च न्यायालयाने ही शिक्षा कायम ठेवली नागपूर सेंट्रल जेलमध्ये गवळी यांनी अठरा वर्षे शिक्षा भोगली

अरुण गवळी यांचा प्रवास म्हणजे दगडी चाळीतला तरुण अंडरवर्ल्डचा डॅडी आमदारकीचा झेंडा जमसंदेकर हत्याकांडामुळे झालेली जन्मठेपेची शिक्षा आणि आता सुप्रीम कोर्टाच्या जामिनावर तुरुंगाबाहेर आलेले नेते प्रश्न मात्र अजूनही उभा आहे डॅडी पुन्हा राजकीय सामाजिक रंगमंचावर उतरणार का की त्यांची कहाणी इथेच थांबणार आहे…