🛑 बुगी उगीचा वारसा पुन्हा जिवंत एकता मित्र मंडळाचा आज मेगा ब्लास्ट!

• छावा डिजिटल मीडिया न्यूज पोर्टल
• ✍️ सचिन मयेकर
  📅 बुधवार , 3१ डिसेंबर २५

पूर्वी रेवदंड्यात ‘बुगी उगी’ म्हटले की गावभर उत्साह उसळायचा. कोजागिरी पौर्णिमेच्या रात्री पारनाका येथे होणारा हा जंगी डान्स कार्यक्रम तरुणाईसाठी पर्वणीच असे. कार्यक्रम पाहण्यासाठी परिसरातील आणि बाहेरील गावांमधून लोक मोठ्या संख्येने धावत येत, रस्त्यापासून चौकापर्यंत प्रचंड गर्दी होत असे. वर्षभर लोकांना एका क्षणाची वाट  बुगी उगी कधी येणार  असा हा कार्यक्रम जनमानसात खोलवर रुजलेला संस्कृतीचा ठसा. नृत्य, टाळ्यांचा गजर, जल्लोषाच्या आरोळ्या आणि स्पर्धकांची रंगतदार परफॉर्मन्सेस… आठवणी अजूनही ताज्या.

आणि असा हा *‘उगी बुगी’*चा गाजलेला वारसा घेऊनच रेवदंड्यातील एकता मित्र मंडळ पुन्हा एकदा धमाकेदार जल्लोष घेऊन सज्ज..

नववर्षाच्या स्वागताची रंगत वाढविण्यासाठी आज रात्री “बीच उत्सव जल्लोष नवीन वर्षाचा” हा विशेष कार्यक्रम रेवदंडा बीचवर सादर केला जात आहे. 31st Night च्या निमित्ताने कला, नृत्य, संगीताचा अविस्मरणीय संगम होणार असून सांस्कृतिक कार्यक्रम संध्याकाळी ७.३० ते रात्री ११ वाजेपर्यंत रंगणार आहे.

स्थान – रेवदंडा समुद्र किनारा, गोळा स्टॉप.

उत्सव सर्वांसाठी खुला असून आयोजकांनी रसिक, तरुणाई व नागरिकांना मोठ्या संख्येने उपस्थित राहण्याचे आवाहन केले आहे.

रेवदंडा पुन्हा सजला, लाटांमध्ये दुमदुमेल जल्लोष आणि आजची रात्र ठरेल अविस्मरणीय