🔴 दहावीच्या विद्यार्थ्याचा मृत्यू; सांगलीच्या मुलावर दिल्लीतील शिक्षकांकडून छळाचे आरोप

दिल्लीतील राजेंद्र नगर मेट्रो स्टेशनवरून उडी मारून जीव देणारा विद्यार्थी शौर्य प्रदीप पाटील हा सांगली जिल्ह्यातील ढवळेश्वर येथील रहिवासी असल्याचे समोर आले असून, या विद्यार्थ्याने मृत्यूपूर्वी बॅगेत ठेवलेल्या नोटमध्ये शिक्षकांकडून मानसिक छळ झाल्याचा गंभीर आरोप केल्याने शिक्षण व्यवस्थेत खळबळ उडाली आहे.

छावा डिजिटल न्यूज पोर्टल ––PTI —गुरुवार – २0 नोव्हेंबर २०२५

फक्त १६ वर्षांचा शौर्य नवी दिल्लीतील St. Columba’s School मध्ये दहावी शिकत होता. शौर्यने सुसाइड नोटमध्ये “माझ्यावर अन्याय झाला… धमक्या दिल्या… सारे काही शेअर करूनही कुणी ऐकले नाही…” असे शब्द लिहिल्याचे परिजानांनी सांगितले.या घटनेनंतर शाळेतील तीन शिक्षक आणि एक प्रशासकीय अधिकारी यांच्याविरुद्ध दिल्ली पोलिसांनी तपास सुरू केला आहे.घटनेनंतर विद्यार्थ्याच्या घरी शोकाकुल वातावरण पसरले असून वडिलांनी शिक्षकांवर गंभीर आरोप करत चौकशीची मागणी केली आहे. “मुलाला सर्वांसमोर हिणवले, त्याचा आत्मविश्वास तोडला,” असा दावा कुटुंबाने केला.या प्रकरणामुळे सांगलीपासून दिल्लीपर्यंत शिक्षण व्यवस्थेवर प्रश्नचिन्ह उपस्थित झाले आहे. शाळा प्रशासनाने मात्र अद्याप अधिकृत प्रतिक्रिया दिलेली नाही.

दरम्यान, विद्यार्थ्यांच्या सुरक्षिततेसंदर्भात कडक नियम आणि शिक्षकांची जबाबदारी यावरून सोशल मीडियावर मोठी चर्चा रंगली आहे. घटनेचा तपास जलदगतीने करण्यात येत असून पोलिस लवकरच सर्वांच्या जबाब नोंदवणार आहेत.