💥 साळाव पुलाखाली मृतदेह – ओळख न पटलेले प्रकरण १५ मिनिटांत सुटले! छावा डिजिटल मीडिया न्युज पोर्टल वरील वार्तेनंतर धागा मिळाला – पोलीस सुग्रीव गव्हाणे व ग्रामस्थ ओमकार तांबडकर -भगवान तांबडकर यांच्या तत्परतेने मोठी उकल

• छावा डिजिटल मीडिया न्यूज पोर्टल
• ✍️ सचिन मयेकर
• 📅 गुरुवार , १ जानेवारी २६

साळाव पुलाखाली एका अज्ञात वृद्ध महिलेचा मृतदेह आढळल्याची माहिती मिळताच परिसरात खळबळ पसरली आणि ही बातमी कळताच छावा डिजिटल मीडिया न्युज पोर्टल  चे सचिन मयेकर  यांनी तात्काळ पोलिस अधिकारी सुग्रीव गव्हाणे यांच्याशी दूरध्वनीवरून संपर्क साधून माहितीची पडताळणी केली, त्यावेळी गव्हाणे यांनी तातडीने विनंती केली की महिलेचा फोटो आणि माहिती पोर्टलवर टाका जेणेकरून ओळख पटण्यास मदत होईल आणि त्याप्रमाणे काही मिनिटांतच छावा वर फोटोसह बातमी प्रसिद्ध करण्यात आली व इथेच मिळाला Golden Link कारण ही महिला सुनीता कृष्णकांत मुरूडकर (वय 84) ही सारंग कुटुंबातील असून म तर सध्या विचुंबे-पनवेल मुलीकडे राहत होत्या, त्या सकाळी 9:20 वाजता घरातून बाहेर पडलेल्या असल्याचे CCTV मध्ये दिसत होते आणि हरवल्याची नोंद खांदेश्वर पोलीस स्टेशनमध्ये नोंदलेली होती, दरम्यान भगवान तांबडकर यांच्या कॉटेजवर सारंग भेटायला येणार होते तेव्हा फोनवर “मावशी हरवली आहे” ही माहिती पुढे आली आणि त्याचवेळी ओमकार तांबडकर यांनी भगवंत तांबडकर यांना छावा वरील मृतदेहाचा फोटो व बातमी दाखवली व तेथेच पहिला सूत्रधागा जुळला, बातमी व्हायरल होताच पंधरा मिनिटांतच ओमकार व भगवान तांबडकर यांनी सारंग कुटुंबाशी संपर्क साधत “फोटोतील महिला हीच असावी” असा अंदाज व्यक्त केला, त्यानंतर सर्व माहिती पोलिसांकडे पोहोचवण्यात आली आणि अखेर मृत महिलेची ओळख निश्चित झाली, या संपूर्ण प्रकरणात पोलीस अधिकारी सुग्रीव गव्हाणे यांची तातडीची कृती, ओमकार तांबडकर यांचा निर्णायक फोटो-जुळवणीतील सहभाग, भगवान तांबडकर यांची स्रोत-साखळी जोडणारी भूमिका, सारंग कुटुंबाकडून ओळख पुष्टी आणी छावा डिजिटल मीडिया न्युज पोर्टल मार्फत झालेला त्वरित बातमी प्रसार यामुळे अज्ञात मृतदेहाचे प्रकरण केवळ १५ मिनिटांत सुटणे शक्य झाले आणि हाच डिजिटल माध्यमांचा, पोलिसांचा आणि नागरिकांच्या प्रतिसादाचा एक आदर्श संगम म्हणावा लागेल.

दरम्यान, ही महिला नक्की कशा परिस्थितीत साळाव पुलाजवळ पाण्यात कशी पडली, मृत्यूचे नेमके कारण काय, यामागील परिस्थिती अपघाती की अन्य काही, तसेच प्रवासमार्ग, हालचाल, ठिकाणापर्यंत पोहोचण्याची शक्यता यासह सर्व बाबींचा पुढील तपास रेवदंडा पोलीस करत आहेत. तपासातील पुढील माहिती मिळताच प्रसिद्ध करण्यात येईल.

📌 रिपोर्ट व संकलन : सचिन मधुकर मयेकर  – संपादक, छावा DIGITAL MEDIA NEWS PORTAL