💥 छावाची बातमी ठरली टर्निंग पॉईंट… रेवदंड्यात हरवलेलं पार्सल परत

रेवदंड्यात हरवलेल्या फ्लिपकार्ट पार्सलचे प्रकरण

डिलिव्हरी बॉय आतीश पोळेकर याने स्वतःच्या प्रयत्नातून सीसीटीव्ही फुटेज मिळवून चोराची ओळख पटवली, तर दुसरीकडे छावा डिजिटल न्युज पोर्टलने या घटनेवर धडक बातमी देत आवाज उठवला होता.

रेवदंड्यात हरवलेल्या फ्लिपकार्ट पार्सल प्रकरणाचा अखेर समाधानकारक शेवट….

छावा डिजिटल न्यूज पोर्टल –सचिन मयेकर–रेवदंडा रविवार २६ ऑक्टोबर २०२५

फ्लिपकार्टचा डिलिव्हरी बॉय आतीश पोळेकर याचं सुमारे ₹७,५०० किंमतीचं पार्सल २० ऑक्टोबर रोजी सायंकाळी गोळा स्टॉप ते बाजारपेठ या मार्गावर हरवले होते.

घटना घडल्यानंतर आतिशने आपल्या अडचणीची माहिती थेट छावा News Portal कडे दिली होती.

माझं पार्सल हरवलं आहे, आणि आता कंपनी माझ्यावर जबाबदारी टाकत आहे, असं सांगत त्याने छावाशी संपर्क साधला.

यानंतर छावाने लगेचच या घटनेवर धडक बातमी प्रसिद्ध केली आणि प्रामाणिक डिलिव्हरी बॉयच्या बाजूने आवाज उठवला.

ही बातमी छावावर प्रसिद्ध होताच परिसरात चर्चा रंगली.

लोकांनी सोशल मीडियावर आतिशच्या प्रामाणिकतेचं कौतुक करत त्याला मदत मिळाली पाहिजे अशी मागणी केली.

दरम्यान, आतिशने स्वतः तपास सुरू ठेवला.

त्याने जवळच्या सीसीटीव्ही फुटेजमधून ट्रक ड्रायव्हर बॅग उचलताना दिसत असल्याचं शोधून काढलं.

त्या फुटेजच्या आधारे आतिशने ट्रकचा नंबर मिळवला आणि चालक कर्जतजवळील असल्याचे निष्पन्न झाले.

त्याला फोन करून आतिशने सांगितले,

तुमचा सीसीटीव्हीत माझी पार्सल बॅग घेतानाचा पुरावा आहे.

ती परत न केल्यास पोलिसात तक्रार करावी लागेल.

हे ऐकताच ड्रायव्हर घाबरला आणि लगेच कर्जत येथे आतिशला बोलावून तीच फ्लिपकार्ट बॅग परत केली. त्यातील पार्सल फोडण्यात आल्या होत्या असे निदर्शनास आले.

ही घटना केवळ एका पार्सलच्या चोरीपुरती नव्हे, तर प्रामाणिकता आणि पत्रकारितेच्या शक्तीचं जिवंत उदाहरण ठरली आहे.

छावाने दिलेल्या बातमीनंतर निर्माण झालेल्या लोकदबावामुळेच आरोपीला बॅग परत करण्यास भाग पाडले गेले,आणि आतीश पोळेकरला न्याय मिळाला.

शेवटी, फ्लिपकार्ट मॅनेजर आणि आतिश यांनी

छावा News Portal टीमचे आभार मानत म्हटलं जर छावाने आवाज उठवला नसता, तर हे सत्य कधीच समोर आलं नसतं.