💔 कनकेश्वरच्या वडाखाली रक्तरंजित प्रेमकहाणी प्रेमातून संशय, आणि संशयातून थरार… अलिबाग हादरलं

अलिबागजवळील पवित्र कनकेश्वर मंदिर परिसरात शुक्रवारी सायंकाळी घडलेली एक भीषण घटना संपूर्ण रायगड जिल्ह्याला हादरवून गेली आहे. प्रेमसंबंधातून निर्माण झालेला संशय आणि रागाच्या भरात झालेली हिंसा  इतकी निर्दयी की वाचणाऱ्याचं हृदय दचकेल.

छावा डिजिटल न्यूज पोर्टल  अलिबाग प्रतिनिधी_  मंगळवार – १४ ऑक्टोबर २०२५

थेरोंडा (वरसोलपाडा) येथील सुरज शशिकांत बुरांडे (२८) या तरुणाने आपल्या प्रेयसी संचिता विनायक सलामत (२१, रा. थेरोंडा बाजारपाडा) हिच्यावर लोखंडी हातोड्याने जीवघेणा हल्ला केला.

दोघे कनकेश्वर मंदिराच्या पायऱ्यांजवळील वडाच्या झाडाखाली बसले असताना, सुरजच्या मनात संशयाची ठिणगी पेटली  तुला आता ठारच मारतो असे म्हणत त्याने बागेतून हातोडा काढत संचिता दुसऱ्या व्यक्तीशी बोलत असल्याचा संशय घेऊन त्या क्षणीच तो लोखंडी हातोडा उचलून तिच्या डोक्यावर व कपाळावर वार करू लागला.

इतक्यावरच न थांबता आरोपीने रक्तबंबाळ संचितेला तारेच्या जाळीत ओढून नेले आणि दगडाने निर्दयी मारहाण केली. तीन तास ती तडफडत पडली होती  कोणतीही मदत, कोणताही आधार नव्हता.

अखेर गंभीर अवस्थेत तिला जिल्हा रुग्णालयात दाखल करण्यात आले असून तिची प्रकृती चिंताजनक आहे.

या प्रकरणी अलिबाग पोलिस ठाण्यात गु.र.नं. १८४/२०२५ अंतर्गत भारतीय न्याय दंड संहिता २०२३ चे कलम १०९(१), १२७(२), ११८(१), ११८(२), ३५१(२) व ३५१(३) नुसार गुन्हा दाखल करण्यात आला आहे. तपास पोलिस निरीक्षक किशोर साळे यांच्या मार्गदर्शनाखाली सहाय्यक पोलीस निरीक्षक भारत फार्ने करत आहेत.

💬 छावा म्हणतो

प्रेम जर विश्वासावर उभं असेल तर ते पवित्र; पण जेव्हा संशय त्या प्रेमात घुसतो, तेव्हा तो देव नव्हे, राक्षस बनतो. कनकेश्वरच्या वडाखाली वाहिलेलं ते रक्त आपल्याला शिकवून गेलं प्रेमात मालकी नव्हे, विश्वास हवा.