🌹 श्रद्धांजली — गेल्या ५० वर्षांची ‘जय–वीरू’ जोडी अखेर तुटली

🌹 श्रद्धांजली

आपल्या सहज, प्रेमळ आणि दमदार अभिनयाने लाखो प्रेक्षकांच्या मनावर अधिराज्य गाजवणाऱ्या धर्मेंद्र यांना छावा डिजिटल तर्फे भावपूर्ण श्रद्धांजली.

छावा डिजिटल न्यूज पोर्टल ––PTI  मुंबई — मंगळवार २५ नोव्हेंबर २०२५

बॉलीवूडचे सदाबहार अभिनेते, ‘शोले’ चित्रपटातील जय–वीरू मैत्रीला अमर करणारे धर्मेंद्र यांचे काल मुंबईत निधन झाले. वय ८९ होता. भारतीय चित्रपटसृष्टीने एक जिंदादिल, प्रचंड लोकप्रिय आणि करिष्माई कलाकार गमावला आहे.

धर्मेंद्र यांच्या जाण्याने शोलेपासून ते ‘धरम-वीर’, ‘सीता और गीता’, ‘चुपके चुपके’पर्यंतची संपूर्ण पिढी भावुक झाली आहे.

त्याच वेळी, चित्रपटसृष्टीत त्यांच्या आठवणी ताज्या करणारी एक गोष्ट घडतेय

शोले’चा ५० वर्षांचा सुवर्णमहोत्सव

धर्मेंद्र यांच्या अमर भूमिकेने सजलेला ‘शोले’ चित्रपट या वर्षी ५० वर्षे पूर्ण करतो.

या निमित्ताने चित्रपटाची रिमास्टर्ड 4K आवृत्ती पुन्हा थिएटरमध्ये प्रदर्शित करण्याची तयारी सुरू झाली आहे.

धर्मेंद्र यांच्या निधनाच्या दु:खद क्षणीच त्यांच्या सर्वाधिक लोकप्रिय चित्रपटाची सुवर्णमहोत्सवी पुनर्प्रदर्शित आवृत्ती चाहत्यांना त्यांची आठवण अधिक तीव्रतेने देणार आहे.