शेळीपालनाच्या नावाने काळा धंदा, मुंबई पोलिसांना भनक लागली अन् मोठा पर्दाफाश

कर्जतमधील एका फार्महाऊसवर मुंबई पोलिसांनी छापा टाकला. यावेळी ड्रग्ज बनवण्याचे साहित्य जप्त करण्यात आले आहे. यामध्ये ड्रग्ज फॅक्ट्री सुरु असल्याची धक्कादायक माहिती पोलिसांना मिळाली होती. या फार्म हाऊसमध्ये शेळीपालनाचा व्यवसाय सुरू आहे, असे भासवून हा ड्रग्ज निर्मितीचा नको तो उद्योग सुरु होता.

मुंबई : कर्जतमधील मोठ्या ड्रग्ज रॅकेटचा पर्दाफाश झाला आहे. कशेळे हद्दीतील फार्महाऊसवर मुंबई पोलिसांनी छापा टाकला. यावेळी ड्रग्ज बनवण्याचे साहित्य जप्त करण्यात आले आहे. यामध्ये ड्रग्ज फॅक्ट्री सुरु असल्याची धक्कादायक माहिती पोलिसांना मिळाली होती. या फार्म हाऊसमध्ये शेळीपालनाचा व्यवसाय सुरू आहे, असे भासवून हा ड्रग निर्मितीचा नको तो उद्योग सुरु होता. याप्रकरणी विक्रेत्यांपासून उत्पादकांपर्यंत एकूण ६ जणांना पोलिसांनी अटक केली. तसेच जवळपास २५ कोटी रुपयांचा ड्रग्जसाठा आणि साहित्य जप्त करण्यात आले.कशेळेमधील फार्म हाऊसमध्ये एक ड्रग्जची फॅक्टरी सुरू असल्याची धक्कादायक माहिती पोलिसांना मिळाली होती. जिथे शेळीपालनाचा व्यवसाय सुरु होता. या कारवाईत एकूण २५ कोटींचा प्रजेसाठी जप्त करण्यात आला आहे. तसेच सुमारे एक कोटींचा कच्चा माल जप्त करण्यात आला. पोलिसांनी याप्रकरणी ६ जणांना बेड्या ठोकल्या आहेत.मुंबई पोलिसांच्या टीमने धडक कारवाई करत या रॅकेटचा पर्दाफाश केला. पोलीस उपायुक्त नवनाथ ढवळे पूर्व उपनगर नशामुक्त करण्यासाठी विशेष अमली पदार्थ विरोधी पथक स्थापन करण्यात केले आणि कर्जत गाठले. पोलिसांनी या फार्म हाऊसमधील हालचालींवर नजर ठेवली. त्यानंतर या फार्म हाऊसवर छापा टाकण्यात आला.मुंबई पोलिसांनी मार्च महिन्यात चेंबूरमध्ये ड्रग्ज विक्री करणाऱ्या एका तरुणाला अटक केली. त्याच्याकडे ४५ ग्रॅम एमडी ड्रग्ज सापडले. ड्रग्ज त्या तरुणापर्यंत कसे आले याचा तपास पोलिसांनी सुरु केला होता. त्यानंतर ड्रग्ज विक्रेत्यापासून ते पुरवठादारांपर्यंत ते पोहोचले. पुढे मग तस्करी करणाऱ्यांपासून ड्रग्जची निर्मिती करणाऱ्यांपर्यंत ते पोहोचले. सध्या या प्रकरणात ६ आरोपींना अटक करण्यात आली आहे. पोलिसांकडून पुढील तपास सुरु आहे. या प्रकरणात आणखी काही जणांना अटक होण्याची शक्यता वर्तवली जात आहे.