- साळाव ते तळेखार रस्ता – खड्ड्यांचा कहर, चिखलाचा थर – प्रवास म्हणजे जीव धोक्यात!
- रायगडमध्ये समुद्रात मोठी दुर्घटना – खांदेरी किल्ल्याजवळ मासेमारी बोट बुडाली, ५ जणांचा जीव वाचला, ३ जण बेपत्ता – शोध मोहीम युद्धपातळीवर सुरू
- मोबाईल चोरीच्या वादातून कोयत्याने हल्ला – महिला जखमी; रेवदंडा पोलिसात गुन्हा दाखल
- “सैयारा” : एक स्त्री, एक वेदना, एक अस्सल वास्तव!
• आषाढी वारीसाठी शासनाची महत्त्वपूर्ण घोषणा
• ११०९ दिंड्यांना प्रत्येकी २० हजारांचे अनुदान
• छावा • पुणे, दि. १४ जून • वृत्तसंस्था
महाराष्ट्र शासनाने आषाढी एकादशी वारी २०२५ साठी मोठा निर्णय घेतला आहे. पंढरपूर आषाढी वारीमध्ये सहभागी होणाऱ्या मानाच्या १० पालख्यांसोबतच्या एकूण १,१०९ दिंड्यांना प्रत्येकी ₹२०,००० इतके अनुदान वितरीत करण्यास मंजुरी देण्यात आली आहे. यासंदर्भातील शासन निर्णय समाजकल्याण विभागाने १३ जून २०२५ रोजी जाहीर केला.
मुख्यमंत्री एकनाथ शिंदे यांच्या अध्यक्षतेखाली पार पडलेल्या बैठकीत हा निर्णय घेण्यात आला. या अनुदानासाठी एकूण ₹२.२१ कोटी इतका निधी वितरित केला जाणार आहे. हे अनुदान वारीदरम्यान दिंड्यांचे नियोजन, प्रवास आणि इतर आवश्यक खर्चासाठी उपयुक्त ठरणार आहे.
सदर निर्णय सामाजिक न्याय व विशेष सहाय्य विभागाच्या प्रस्तावावर मंजूर करण्यात आला असून, पुणे विभागीय आयुक्त कार्यालयामार्फत या निधीचे वितरण करण्यात येईल. यासाठी “स्टँडर्ड ऑपरेटिंग प्रोसीजर”प्रमाणे संबंधित यंत्रणांनी काम करावे, असे निर्देशही देण्यात आले आहेत.
वारीच्या पूर्वतयारीसाठी तसेच शिस्तबद्ध व्यवस्थापनासाठी शासन पातळीवर विशेष प्रयत्न करण्यात येणार असून, या निर्णयामुळे वारीतील दिंड्यांचे व्यवस्थापन अधिक सुकर होईल, असा विश्वास व्यक्त करण्यात येत आहे.
