- रायगडमध्ये समुद्रात मोठी दुर्घटना – खांदेरी किल्ल्याजवळ मासेमारी बोट बुडाली, ५ जणांचा जीव वाचला, ३ जण बेपत्ता – शोध मोहीम युद्धपातळीवर सुरू
- मोबाईल चोरीच्या वादातून कोयत्याने हल्ला – महिला जखमी; रेवदंडा पोलिसात गुन्हा दाखल
- “सैयारा” : एक स्त्री, एक वेदना, एक अस्सल वास्तव!
- साई मंदिर चोरी प्रकरणातील सराईत आरोपी पेण पोलिसांच्या जाळ्यात; मंदिर भक्तांना दिलासा
• कुडाळमध्ये पुरुषही करतात वटपौर्णिमेचे व्रत
• पत्नीच्या दीर्घायुष्याची करतात प्रार्थना
• छावा • कुडाळ(सिंधुदुर्ग), दि. १० जून • प्रतिनिधी
वटपौर्णिमा हा सण पारंपरिकपणे महिलांचा मानला जात असला, तरी सिंधुदुर्ग जिल्ह्यातील कुडाळ शहरात मागील १६ वर्षांपासून एक वेगळीच परंपरा जपली जात आहे. येथे पुरुषही संपूर्ण श्रद्धेने आणि विधीवत पद्धतीने वटपौर्णिमा साजरी करतात.
या दिवशी स्थानिक पुरुष वडाच्या झाडाभोवती फेऱ्या मारतात, उपवास करतात आणि पूजा करून आपल्या पत्नीच्या दीर्घायुष्य, उत्तम आरोग्य व समृद्ध आयुष्यासाठी संकल्प करतात. स्त्री-पुरुष समानतेचा आदर्श ठरलेली ही परंपरा महाराष्ट्रात विविध ठिकाणी चर्चेचा विषय ठरली आहे.
सामाजिक रचनेत बदल होत असताना कुडाळच्या या उपक्रमाने एक नवा पायंडा पाडला आहे. महिलांप्रमाणे पुरुषही जबाबदारीने आणि प्रेमपूर्वक आपल्या पत्नीच्या कल्याणासाठी व्रत करत असल्याचे हे उदाहरण समाजाला प्रेरणा देणारे ठरत आहे.
ही परंपरा सुरू ठेवणारे कुडाळ येथील नागरिक म्हणतात, “हे व्रत केवळ धार्मिक नाही, तर प्रेम, समर्पण आणि समानतेचा संदेश देणारे आहे.”
